ഊട്ടി യാത്രയ്ക്കിടെ ദുരന്തം; നിയന്ത്രണം വിട്ട ലോറി കാറിലിടിച്ച് യുവാവിന് ദാരുണാന്ത്യം, 3 പേർക്ക് പരുക്ക്

24/12/2024

ബത്തേരി പാതിരിപ്പാലത്ത് നിയന്ത്രണം വിട്ട ലോറി കാറിലിടിച്ച് യുവാവ് മരിച്ചു കുറ്റ്യാടി മേലിയേടത്ത് ഷെബീർ (24) ആണ് മരിച്ചത്. സഹയാത്രികരും കുറ്റ്യാടി സ്വദേശികളുമായ ഷാഫി, യൂനുസ്, സഹൽ എന്നിവർക്ക് പരുക്കേറ്റു. ഇവരെ കൽപ്പറ്റയിലെ രണ്ടു സ്വകാര്യ ആശുപത്രികളിലായി പ്രവേശിപ്പിച്ചു. ചൊവ്വാഴ്ച പുലർച്ചെ 5.30നായിരുന്നു അപകടം കുറ്റ്യാടിയിൽനിന്ന് ഊട്ടിയിലേക്ക് പോയ സംഘമാണ് കാറിലുണ്ടായിരുന്നത്. ബോർവെൽ സാമഗ്രികളുമായി വന്ന ലോറിയാണ് നിയന്ത്രണം വിട്ട് കാറിലിടിച്ചത്.