യുഡിഎഫ് അധികാരത്തിൽ വരണം; ആത്മാർത്ഥമായി കൂടെ നിൽക്കും: പിവി അൻവർ

07/01/2025

മലപ്പുറം: വന്യമൃഗ ശല്യത്തിന് എതിരായ പോരാട്ടത്തിന് യുഡിഎഫ് നേതൃത്വം നൽകണമെന്ന് പിവി അൻവർ എംഎൽഎ. നിലമ്പൂരിൽ നടന്ന വർത്തസമ്മേളനത്തിലാണ് അൻവർ ഇക്കാര്യം പറഞ്ഞത്. യുഡിഎഫ് അധികാരത്തിൽ എത്തണമെന്നും താൻ യുഡിഎഫ് നേതാക്കളുമായി കൂടിക്കാഴ്ച നടത്തുമെന്നും അൻവർ പറഞ്ഞു. പിവി അൻവർ യുഡിഎഫിലേക്ക് പോകുമെന്ന അഭ്യൂഹം ശക്തമായിരിക്കുന്നതിനിടയിലാണ് ഇപ്പോൾ ഇത്തരമൊരു നീക്കം എംഎൽഎയുടെ ഭാഗത്തുനിന്നുമുണ്ടായിരിക്കുന്നത്. അതേസമയം, പിവി അൻവർ പാണക്കാട് എത്തി സാദിഖ്ലി തങ്ങളെയും കുഞ്ഞാലിക്കുട്ടിയെയും കാണുമെന്നും അൻവർ പറഞ്ഞു.