2/6/25
editor
അഹമ്മദാബാദ്: മഴമൂലം മത്സരം ഉപേക്ഷിച്ചാൽ ഫൈനൽ സാധ്യതകൾ നഷ്ടമാകുമെന്ന ആശങ്കയിൽ മനമുരുകി പ്രാർഥിച്ച മുംബൈ ആരാധകർക്കായി ദൈവം മഴ മാറ്റിക്കൊടുത്തു. ഇതോടെ രണ്ടേകാൽ മണിക്കൂർ വൈകിയാണെങ്കിലും ‘ആശ്വാസത്തോടെ’ കളത്തിലിറങ്ങിയ മുംബൈ ഇന്ത്യൻസ്, ഒടുവിൽ രണ്ടാം ക്വാളിഫയറിൽ കളിച്ചുതോറ്റ് പുറത്തേക്ക്. ഒന്നാം ക്വാളിഫയറിൽ സംഭവിച്ച പിഴവുകൾ ആവർത്തിക്കരുതെന്ന ഉറച്ച തീരുമാനത്തോടെ അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ ഇറങ്ങിയ പഞ്ചാബ് കിങ്സാണ്, ആറാം കിരീടമെന്ന റെക്കോർഡ് നേട്ടത്തിലേക്കുള്ള യാത്രയിൽ മുംബൈയുടെ വഴി മുടക്കിയത്.