06/06/2025
Editor
ദോഹ∙ ഖത്തറില് ബലിപെരുന്നാള് നമസ്കാരത്തിനായി രാജ്യത്തുടനീളമായി 710 പള്ളികളും പ്രാര്ഥനാ ഗ്രൗണ്ടുകളും സജ്ജമെന്ന് ഔഖാഫ്, ഇസ്ലാമിക് കാര്യ മന്ത്രാലയംപള്ളികൾക്കും പ്രാർഥനാ ഗ്രൗണ്ടുകൾക്കും പുറമെ മറ്റിടങ്ങളിലും നമസ്കാരത്തിന് സൗകര്യമൊരുക്കിയിട്ടുണ്ട്. ഫിഫ ലോകകപ്പ് വേദികളിലൊന്നായിരുന്ന എജ്യൂക്കേഷൻ സിറ്റി സ്റ്റേഡിയത്തിലും ഈദ് നമസ്കാരം നടക്കും. പുലർച്ചെ 2.30ന് ഗേറ്റ് തുറക്കും. നമസ്കാരത്തിന് ശേഷം കുടുംബ സൗഹൃദ പരിപാടികളും നടക്കും. ഭക്ഷണ സ്റ്റാളുകളും ഇവിടെയുണ്ടാകും.
ദോഹ വ്യവസായ മേഖലയിൽ താമസിക്കുന്ന വിശ്വാസികള്ക്കായി ഏഷ്യന് ടൗണ് ക്രിക്കറ്റ് സ്റ്റേഡിയം പാര്ക്കിങ്ങിലും പെരുന്നാള് നമസ്കാരം നടക്കും. പുലര്ച്ചെ 4.15ന് മുന്പായി പ്രാര്ഥനയ്ക്ക് എത്തണമെന്ന് ആഭ്യന്തര മന്ത്രാലയം നിര്ദേശിച്ചു.
