12/9/25
മുതിര്ന്ന കോണ്ഗ്രസ് നേതാവ് പി.പി തങ്കച്ചന്റെ നിര്യാണത്തില് അനുശോചിച്ച് പ്രതിപക്ഷ നേതാവ് വി.ഡി. സതീശന്. വ്യക്തി ജീവിതത്തിലും രാഷ്ട്രീയ ജീവിതത്തിലും പി.പി തങ്കച്ചന് തനിത്തങ്കമായിരുന്നെന്ന് വി.ഡി. സതീശന് പറഞ്ഞു.
സ്ഥാനമാനങ്ങളില് ഒരിക്കലും അഹങ്കരിക്കരുതെന്ന തോന്നലുണ്ടാക്കിയ ഒരാളായിരുന്നു തങ്കച്ചന്. നിസ്വാര്ഥവും ആത്മാര്ഥവുമായ പൊതുപ്രവര്ത്തനത്തിന്റെ പര്യായമായിരുന്നു അദ്ദേഹം. കിട്ടിയ അവസരം മനുഷ്യര്ക്ക് ഉപകാരം ചെയ്യാന് ഉപയോഗിക്കണമെന്ന നിഷ്കര്ഷ ഉണ്ടായിരുന്ന ഒരാള്. സ്ഥാനമാനങ്ങളില് ഒരിക്കലും അഹങ്കരിക്കരുതെന്ന തോന്നലുണ്ടാക്കിയ ഒരാള്. ആര്ക്കെങ്കിലും ഉപകാരം ചെയ്യാനായില്ലെങ്കിലും അവരെ ഉപദ്രവിക്കരുതെന്ന് നിര്ബന്ധമുണ്ടായിരുന്ന ഒരാള്. ഇതൊക്കെയായിരുന്നു പി.പി തങ്കച്ചന് എന്ന മനുഷ്യസ്നേഹിയും നിഷ്കളങ്കനുമായ പൊതുപ്രവര്ത്തകനെന്നും പ്രതിപക്ഷ നേതാവ് ഓര്മിപ്പിച്ചു
