ഡല്‍ഹി ഹൈക്കോടതി: ഐശ്വര്യ റായിയുടെ പേര്, ചിത്രം ദുരുപയോഗം ചെയ്യുന്നത് വിലക്ക്

12/9/25

ന്യൂഡല്‍ഹി: നടി ഐശ്വര്യ റായിയുടെ പേര്, ചിത്രം, വ്യക്തിത്വസവിശേഷതകള്‍ എന്നിവ അനുമതിയില്ലാതെ ഉപയോഗിക്കുന്നത് വിലക്കിക്കൊണ്ട് ഡല്‍ഹി ഹൈക്കോടതി ഉത്തരവിട്ടു. ഒരു വ്യക്തിയുടെ വ്യക്തിത്വ സവിശേഷതകള്‍ ദുരുപയോഗം ചെയ്യുന്നത് സ്വകാര്യതയ്ക്കുള്ള അവകാശത്തെയും അന്തസ്സോടെ ജീവിക്കാനുള്ള അവകാശത്തെയും ലംഘിക്കുന്നുവെന്നതാണ് കോടതി നിലപാട്. ഡീപ്‌ഫേക്ക് സാങ്കേതികവിദ്യയിലൂടെ അശ്ലീല ദൃശ്യങ്ങള്‍ സൃഷ്ടിക്കുകയും, നടിയുടെ ചിത്രങ്ങള്‍ പതിപ്പിച്ച ഉല്‍പ്പന്നങ്ങള്‍ വില്‍ക്കുകയും ചെയ്യുന്ന പ്രവണതയെ കോടതി വിമര്‍ശിച്ചു.