പെറുവിൽ ജൻ സി പ്രക്ഷോഭം പടരുന്നു, പോരാട്ടത്തിന്റെ അടയാളമായി അനിമേഷൻ കഥാപാത്രം

29/09/25

ലിമ: പെറുവിയൻ പ്രസിഡന്റ് ദിന ബൊലുവാർട്ടെയുടെ സർക്കാരിനും കോൺഗ്രസിനുമെതിരെ ജെൻ സി പ്രക്ഷോഭം. പോലീസ് ഉദ്യോഗസ്ഥർ ഉൾപ്പെടെ കുറഞ്ഞത് 19 പേർക്ക് പരിക്കേറ്റു. ലിമയിലെ നഗരമധ്യത്തിലെ സർക്കാർ സ്ഥാനങ്ങളിലേക്ക് നൂറുകണക്കിന് ആളുകൾ കനത്ത പോലീസ് കാവൽ മറികടന്ന് മാർച്ച് നടത്തി. "അഴിമതിക്കെതിരെയും, ജീവിക്കാനുള്ള അവകാശത്തിന് വേണ്ടിയും, എല്ലാ ദിവസവും നമ്മെ കൊല്ലുന്ന കുറ്റകൃത്യങ്ങൾക്കെതിരെയും ഞങ്ങൾ മാർച്ച് ചെയ്യുന്നു," എന്ന മുദ്രാവാക്യവുമായാണ് യുവാക്കൾ അണിനിരന്നത്. നൂറുകണക്കിന് ഗതാഗത തൊഴിലാളികളും ജൻ ഇസഡ് യുവജന കൂട്ടായ്മയ്ക്ക് ഒപ്പം ചേർന്നതായി വാർത്താ ഏജൻസികൾ റിപ്പോർട് ചെയ്തു.