മസ്കറ്റ്: പ്രവാസി മലയാളി സമൂഹത്തിന്റെ ആരോഗ്യബോധം വർധിപ്പിക്കുന്നതിന്റെ ഭാഗമായ് റൂവി മലയാളി അസോസിയേഷൻ സൗജന്യ ഡാൻസ് ഫിറ്റ്നസ് വർക്ക്ഷോപ്പ് സംഘടിപ്പിക്കുന്നു. ഡാൻസിനൊപ്പം ഫിറ്റ്നസും ഊർജ്ജവും സന്തോഷവും ഒരുമിച്ച് അനുഭവിക്കാവുന്ന ഈ പ്രത്യേക പരിപാടി 2026 ജനുവരി 24 ശനിയാഴ്ച വൈകുന്നേരം 7.30 മുതൽ 8.30 വരെ നടക്കും. റൂവി സിബിഡിയിലെ ആർ ജെസ് ഇൻസ്റ്റിറ്റ്യൂട്ടിലാണ് പരിപാടി. പ്രായഭേദമന്യേ പുരുഷന്മാർക്കും സ്ത്രീകൾക്കും കുട്ടികൾക്കും ഒരുപോലെ പങ്കെടുക്കാവുന്ന രീതിയിലാണ് വർക്ക്ഷോപ്പ് രൂപകൽപ്പന ചെയ്തിരിക്കുന്നത്.